Terkini
  • Terkini

    Ahad, 30 November 2008

    Geng Kami Lagidaulu


    Terkenang kembali zaman muda teruna kami lagi daulu di kampung.Masa atu rata rata geng kami atu berumur belasan tahun..masih bujang trangtangtang..

    Kisah ani berkisar tentang kenakalan dan keulahan kedikami ani..Kebiasaan nya tiap malam kami 'lepak' di beranda kadai 'si ahui' bapa si bunai.Acara melepak ani adalah kemestian bagi kami sekawan masa atu,lepas makan malam tarus tah bejalan kekadai atu.Mungkin ini adalah satu satu nya cara untuk menghilang kan penat lelah kami ke laut siang tadi.Mun musim 'barumahan' baru tah geng geng kami ani inda lepak malam.

    Kekadang mun datang gila kami atu,jarih tia minuman leminit 'siahui' atu kami karajakan.Sambil sambil lepak atu ada jua penghibur kami tu eh..main gitar tong..bah balagu tah kami tu..sampai tah tangah tangah malam tu...

    Pada sebelah petang karang,bamain bul tah kami tu...ani sudah kemestian jua...mun padang karing,main di padang kami...mun padang licak...main di pasir tah kami tu...luruh tah bulu batis tu.satu lagi kebiasaan kami segeng ani,abis saja bamain bula,mengarajakan piasau di saba tah kami tu...macam tah piasau bapa nya...ada tukang panjat tetap kami tu eh..mun nasib inda baik balusiran jua kami di bubut oleh ngian......mana kan kedia tahan..balum sampat tua piasau nya atu udah tia kana kerajakan...yang hebat nya geng kami ani dapat mengupak piasau muda atu tanpa menggunakan pamarang atau pisau...skil buii...

    Sekarang ani Alhamdulillah..kesemua geng kami ani sudah pun bataubat semua nya...sudah beranak pinak pun...berakal tia nyamu...Alhamdulillah.

    Demikian lah dulu yang sempat saya catat kan buat kali ini.Di masa akan datang jika ada waktu terluang insya Allah akan ada kisah kisah lain.Sekian.
    • Blogger Comments
    • Facebook Comments
    Item Reviewed: Geng Kami Lagidaulu Rating: 5 Reviewed By: Achun R
    Scroll to Top